Balestrand idrettslag ønskjer velkomen til Esefjorden Rundt 2025, torsdag 1. mai, det 44. i rekka

Historia til Esefjorden Rundt starta i 1931, men då som eit skirenn

Vi legg vekt på å skape eit arrangement for alle – både når det gjeld innhald, fysisk form og alder. Kvart år stiller ein rutinert arrangørstab opp og gjer ein kjempejobb. For at eit såpass stort arrangementet skal framstå slik vi ynskjer, er vi heilt avhengig av at alle tek eit tak. Hovudsponsorar og lokale annonsørar er også viktige og støttar Esefjorden Rundt på ulike måtar.

Undervegs har vi lagt vekt på å utvikle løpet både for dei som spring på tid og dei som mosjonerer rundt fjorden.

- Tidtakinga vart tidlegare gjort med stoppeklokke og papir. No vert denne gjort elektronisk både med mellomtider (3) og målpassering. Alt formidla direkte på Internett.
- Vi registrerer alle deltakarane i ein eigen database der desse kan sjå når (år) du har delteke på Esefjorden Rundt, anten som konkurrent eller som trimmar. Det er flotte premiar utifrå tal år.

- Årleg spørjekonkurranse plassert på fire postar langs løypa og tilpassa alder, har vore ein populær aktivitet langs løypa.

- I 2023 vart stafett arrangert som ny konkurranse-aktivitet
- i 2024 vart skule-stafett lagt til som ny konkurranse-aktiivtet.

- Kvart år vert det trykt eit eige programhefte som inneheld helsingar og artikkel med tema knytt til Esefjorden.

Deltaking 2024

Denne gongen var det registrert 541 deltakarar: 460 trim, 57 individuell konkurranse og 24 i 8 stafettlag (3 skule og 5 bedrift).

Mediaomtale 2024

- Sogn avis:"Artikkel: – Det er alltid triveleg å vera med, ein møter alltid nokon ein kjenner her"
- Sogn avis:" Biletserie: Esefjorden rundt 2024"

Vi ønskjer velkomen til Esefjorden Rundt 2025 torsdag 1. mai.

Helsing Esefjorden Rundt